அம்பாறையில் மரமுந்திரிகை செய்கை ஊக்குவிப்பு

(ஏ.ஜே.எம்.ஹனீபா,அப்துல் அஸீஸ்)

அம்பாறை மாவட்டத்தில் மரமுந்திரிகைச் செய்கையை ஊக்குவிக்கும் நோக்குடன் 4,000 மரமுந்திரிகைக் கன்றுகளை மானியமாக வழங்கும் வேலைத்திட்டம் நேற்று சனிக்கிழமை நடைபெற்றது.

அம்பாறை மாவட்டத்தின் ஒலுவில் 07ஆம் கிராமத்தில் முதற்கட்டமாக மரமுந்திரிகை மரநடுகை மற்றும் மரக்கன்று வழங்கும் நிகழ்வும் நடைபெற்றன.

இலங்கை மரமுந்திரிகை கூட்டுத்தாபனத்தின் ஏற்பாட்டில் இந்நடவடிக்கை முன்னெடுக்கப்படுகிறது.

இந்நிகழ்வில் மரமுந்திரிகை கூட்டுத்தாபனத்தின் அம்பாறை மாவட்ட மேற்பார்வை உத்தியோகத்தர் ரீ.சிவகுமார், கிராம உத்தியோகத்தர் எம்.எஸ்.நியாஸ், சமுர்த்தி அபிவிருத்தி உத்தியோகத்தர் ரீ.கே.றகுமத்துல்லா, பள்ளிவாசல் நிர்வாகிகள், கிராமோதயசபை உறுப்பினர்கள், கிராமவாசிகள் கலந்துகொண்டனர்.