'பெண்களுக்கு எதிரான வன்முறைகளை ஒழித்தல்' கருத்தரங்கு

(அப்துல் அஸீஸ்)

சிறுவர் அபிவிருத்தி மகளிர் விவகார அமைச்சின் அனுசரணையுடன் கல்முனை பிரதேச செயலகத்தினால் நடத்தப்பட்ட 'பெண்களுக்கு எதிரான வன்முறைகளை ஒழித்தல் எனும் தலைப்பில்  விழிப்புணர்வுக் கருத்தரங்கு பிரதேச செயலக மண்டபத்தில் நேற்று திங்கட்கிழமை நடைபெற்றது.

பிரதேச செயலாளர் எம்.எம்.நௌபல் தலைமையில் நடைபெற்ற இக்கருத்தரங்கில் வளவாளர்களாக கல்முனை ஆதார வைத்தியசாலையின் வைத்திய அத்தியட்சகர் வைத்திய கலாநிதி எம்.எஸ்.எம்.ஜாபிர், கல்முனை பொலிஸ் நிலைய பதில் பொறுப்பதிகாரி எஸ்.எம்.சதாத், கல்முனை பிரதேச செயலக நிர்வாக உத்தியோகத்தர் எம்.பி.அபுல் ஹஸன், மகளிர் அபிவிருத்தி உத்தியோகத்தர் திருமதி முரசொலி மாறன், சமுர்த்தி தலைமை அலுவல முகாமையாளர் ஏ.ஆர்.எம். சாலிஹ் ஆகியோர்கள் கலந்து கொண்டனர்.

பிரதேச செயலக உத்தியோகத்தர்களும், பொலிஸ் உத்தியோகத்தர்களும் கலந்துகொண்ட இக்கருத்தரங்கு தொடர்பான வேலைத்திட்டமானது எதிர்வரும் 10ஆம் திகதி வரையும் இடம்பெறவுள்ளது.