வாசிப்புப் பழக்கத்தை உற்சாகப்படுத்தும் நோக்கில் வீதி நாடகம்

(ஹனீக் அஹமட்)

வாசிப்புப் பழக்கத்தினை உற்சாகப்படுத்தும் வகையிலான வீதி நாடகமொன்று  அட்டாளைச்சேனை பிரதான வீதிக்கு அருகாமையிலுள்ள பொதுநூலக வளாகத்தில் நேற்று புதன்கிழமை நடைபெற்றது.

தேசிய வாசிப்பு மாதத்தையொட்டி அட்டாளைச்சேனை பிரதேசசபையின் ஏற்பாட்டில் அட்டாளைச்சேனை பொது நூலகத்தினால் நடத்தப்படும் தேசிய வாசிப்பு மாத நிகழ்வுகளின் ஓரங்கமாகவே இந்த வீதி நாடகமும் நடைபெற்றது.

வாசிப்புப் பழக்கத்தின் அவசியம், நவீன தொழில்நுட்ப சாதனங்களைப் பிழையான வழியில் பயன்படுத்துவதனால் ஏற்படும் சமூகச் சீரழிவு உள்ளிட்ட பல விடயங்கள் இந்த நாடகத்தில் எடுத்தியம்பப்பட்டன.

அட்டாளைச்சேனை பிரதேச சபையின் வேண்டுகோளுக்கிணங்க அக்கரைப்பற்று இராமகிருஷ்ணமிசன் பாடசாலை மாணவர்கள் இந்த வீதி நாடகத்தினை நடத்தினர்.

இந்த நாடகத்தினை பாடசாலை மாணவர்கள் பொதுமக்கள் உள்ளிட்ட பலர் கண்டுகளித்தனர்.