பாடப் புத்தகங்களை சிறப்பாக பயன்படுத்திய மாணவர்களுக்கான சான்றிதழ் வழங்கும் நிகழ்வு

(ஹனீக் அஹமட்)
அரசாங்கத்தினால் இலவசமாக வழங்கப் படும் பாடப் புத்தகங்களை பாதுகாப்பாகப் பயன்படுத்திய மாணவர்களுக்கான சான்றிதழ் வழங்கும் நிகழ்வு அட்டாளைச்சேனை அறபா வித்தியாலயத்தில் நேற்று வியாழக்கிழமை இடம்பெற்றது.

பாடசாலை அதிபர் ஏ.எல். கிதுறு முகம்மட் தலைமையில் இடம்பெற்ற இந்நிகழ்வில் தமக்கு இலவசமாக வழங்கப்பட்ட பாடப் புத்தகங்களை பாதுகாப்பாகவும், சிறப்பாகவும் பயன்படுத்திய மாணவர்கள் சான்றிதழ் வழங்கி  பாராட்டப்பட்டனர்.

கல்வித் திணைக்களத்தினூடாக, கல்வி அமைச்சு நடைமுறைப்படுத்தி வரும்  பாடசாலைப் பாடநூல்களைச் சிறப்பாகப் பயன்படுத்தும் வேலைத் திட்டத்துக்கமைவாகவே மேற்படி மாணவர்களுக்கு சான்றிதழ்கள் வழங்கப்பட்டன.

அரசாங்கத்தினால் வழங்கப்படும் இலவசப் பாடநூல் ஒன்றினைப் சிறப்பாகப் பயன்படுத்துவதென்பதுஇ தேசிய சொத்தொன்றைப் பாதுகாப்பதற்காகப் பங்களிப்பு வழங்கியதாகக் கருதப்படும் என்று கல்வி அமைச்சு தெரிவிக்கின்றது.