தையல் இயந்திரங்கள் அன்பளிப்பு

(ஹனீக் அஹமட்)

பெண்களின் வாழ்வாதாரத்தை மேம்படுத்தும் நோக்கில் அட்டாளைச்சேனை பிரதேச செயலாளர் பிரிவிற்குட்பட்ட தீகவாபி கிராமத்தைச் சேர்ந்த பெண்களுக்கு தையல் இயந்திரங்களை வழங்கிவைக்கும் நிகழ்வு நேற்று வியாழக்கிழமை நடைபெற்றது.

ஆயிரம் தையல் இயந்திரங்களை வழங்கும் திட்டத்துக்கமைய மேற்படி தையல் இயந்திரங்கள் வழங்கிவைக்கப்பட்டன.

அம்பாறை மாவட்ட நாடாளுமன்ற உறுப்பினர் பி.எச்.பியசேன இந்நிகழ்வில் பிரதம அதிதியாகக் கலந்துகொண்டு தையல் இயந்திரங்களை வழங்கிவைத்தார். அரச அதிகாரிகள் மற்றும் சமூகப் பிரதிநிதிகளும் இந்நிகழ்வில் கலந்துகொண்டனர்.