ஒரு மாதத்துக்கு பின்னர் கடற்றொழிலுக்கு சென்ற அம்பாறை மீனவர்கள்

(ஹனீக் அஹமட்)

அம்பாறை மாவட்டத்தின் சில பகுதிகளில் சுமார் ஒரு மாதத்தின் பின்னர், மீனவர்கள் இன்று வெள்ளிக்கிழமை கடற்றொழிலுக்குச் சென்று வந்ததாகத் தெரிவிக்கப்படுகிறது.

அம்பாறை மாவட்டத்தின் சில பகுதிகளில் இன்று கடல் அமைதியுடன் காணப்பட்டதாகவும், அதனால், ஒரு மாதத்தின் பின்னர் - இன்று, தாம் கடலுக்குச் சென்று வந்ததாகவும் மீனவர்கள் தெரிவித்தனர்.

குறிப்பாக, மருதமுனைப் பிரதேசத்தைச் சேர்ந்த மீனவர்கள் இன்று கடலுக்குச் சென்று வந்ததைக் காணக் கூடியதாக இருந்தது. எவ்வாறிருந்த போதும், அம்பாறை மாவட்டத்தில் இன்று மிகக் குறைந்தளவான கடற்றொழிலாளர்களே மீன்பிடி நடவடிக்கைகளில் ஈடுபட்டனர்.