நிந்தவூர் ஆயுர்வேத வைத்தியசாலைக்கு நிரந்தர கட்டிடம் அமைக்க நடவடிக்கை: பைசால் காசிம் எம்.பி

பல குறைபாடுகளுடன் இயங்கிக்கொண்டிருக்கும் நிந்தவூர் ஆயுர்வேத வைத்தியசாலைக்கு நிரந்தர கட்டிடம் அமைப்பதற்கான நடவடிக்கைகளை எடுத்துள்ளதாக நாடாளுமன்ற உறுப்பனர் பைசால் காசிம் தெரிவித்தார்.

வைத்தியசாலையின் குறைபாடுகள் குறித்து நிர்வாகத்தினரும் பொதுமக்களும் நாடாளுமன்ற உறுப்பினரின் கவனத்திற்கு கொண்டுவந்துள்ளனர்.

இதனையடுத்து, இதற்கான சாதக நடவடிக்க எடுத்துள்ளதுடன் வைத்தியசாலையினை அமைப்பதற்கு இனங்காணப்பட்டுள்ள இடத்தை அண்மையில் சென்று பார்வையிட்டுள்ளார்.

குறித்த வைத்தியசாலை தற்பொழுது நிந்தவூர் மாவட்ட வைத்தியசாலியின் பழைய கட்டடத்தில் பல குறைபாடுகளுடன் இயங்கிக்கொண்டு வருகின்றமை குறிப்பிடத்தக்கது.