பொத்துவில் பாக்கியவத்தை கல்வி அபிவிருத்திச் சங்கத்தின் ஏற்பாட்டில் கலந்துரையாடல் கூட்டம்

(தாஜகான்)

பொத்துவில் அல்கலாம் வித்தியாலயத்தின் பழைய மாணவர்கள் ஒன்றியம், பாக்கியவத்தை கல்வி அபிவிருத்தி சங்கம் ஒன்றினைந்து ஏற்பாடு செய்த கலந்துரையாடல் கூட்டம் நேற்று வெள்;ளிக்கிழமை பொத்துவில்-14 கிராம அபிவிருத்தி சங்க கட்டிடத்தில இடம்பெற்றுது.

பொத்துவில் அல்கலாம் வித்தியாலயத்தில் உயர்தரம் ஆரம்பித்தல்;, பாக்கியவத்தை பகுதியில் புதிய பாடசாலை ஆரம்பித்தல்;, 1000 பாடசாலை திட்டத்தில் அல்கலாம் வித்தியாலயத்தை உள்வாங்கல் தொடர்பாக ஆராய்வதற்காக இக் கலந்துரையாடல ஏற்பாடு செய்யப்பட்டிருந்தது.

இந்நிகழ்வில் அக்கரைப்பற்று வலயக் கல்விப்பணிப்பாளர் ஏ.எல்.எம். காசிம், பிரதிக் கல்விப் பணிப்பாளர்களான  எம்.ஐ.முத்தலிப், அகமட்கியாஸ், பொத்துவில் கோட்டக் கல்வி;ப பணிப்பாளர் ஏ.ஏஅஸிஸ், கல்வி அபிவிருத்தி சங்கத்தின் தலைவர்   எம்.எஸ்.எம்.முகைதீன பொத்துவில் பிரதேசசபை தவிசாளர் எம்.எஸ்.வாசித் உட்பட பலர்  கலந்து கொண்டனர்.இதன்போது, பாக்கியவத்தை கல்வி அபிவிருத்தி சங்கத்தின் தலைவர் தெரிவிக்கையில்,

பொத்துவில் அல்கலாம் வித்தியாலயத்தில் க.பொ.சா/ தரத்திற்கு  தோற்றும் மாணவர்கள் க.பொ.த உ/தரத்தை தொடர்வதற்கு 6  கிலோ மீற்றர் தொலைவில் உள்ள அயல் பாடசாலைக்கு செல்ல வேண்டியுள்ளது. இதனால் பல மாணவர்கள் இடை விலகளுக்குள் உட்படுகின்றனர். இதனை தவிர்க்க வேண்டும். இப்பகுதியில் சுமார் 3000 குடும்பங்கள் வசிக்கின்றனர். 2 ஆரம்ப பாடசாலை மாத்திரம் காணப்படுகின்றமை கவலைக்குரிய விடயமாகும். ஆகவே பாக்கியவத்தை பகுதியில் புதிய பாடசாலை ஆரம்பிக்க நடவடிக்கை மேற்கொள்ள வேண்டும் என்றார்.

அக்கரைப்பற்று வலயக்கல்விப்பணிப்பாளர் ஏ.எல்.எம். காசிம்  பாக்கியவத்தை பகுதியில் புதிய பாடசாலை ஆரம்பித்தல், 1000 பாடசாலை திட்டத்தில் அல்கலாம் வித்தியாலயத்தை உள்வாங்க நடவடிக்கை எடுத்தல்  பொத்துவிலுக்கான ஆசிரியர் பற்றாக்குறையை நிரப்ப நடவடிக்கை எடுப்பதாகவும் வாக்குறுதியளித்தார்.

மேலும் பாக்கியவத்தை கல்வி அபிவிருத்தி சங்கம் மகஐர் ஒன்றை அக்கரைப்பற்று வலயக் கல்விப்பணிப்பாளரிடம் ஒப்படைத்தது.