அமைச்சர் ஜோன் செனவிரத்ன அக்கரைப்பற்று ரஜமஹா விகாரைக்கு விஜயம்

(ஏ.ஜே.எம்.ஹனீபா)

அம்பாறை மாவட்ட நாடாளுமன்ற உறுப்பினர் பீ.எச்.பியசேனவின் அழைப்பின் பேரில் அக்கரைப்பற்று ரஜமஹா விகாரைக்கு  பொதுநிர்வாக உள்நாட்டு அலுவல்கள் அமைச்சர் டபிள்யூ.எம்.ஜோன் செனவிரத்ன நேற்று சனிக்கிழமை விஜயம் செய்துள்ளார்.

இதன்போது கல்முனை தமிழ்ப் பிரிவு பிரதேச செயலகத்தை தரமுயர்த்தி தனியான கணக்குப்பிரிவை ஆரம்பிக்குமாறு பீ.எச்.பியசேன விடுத்த கோரிக்கையை ஏற்றுக்கொண்ட அமைச்சர், கல்முனை தமிழ்ப் பிரிவு பிரதேச செயலகத்தை தரமுயர்த்தி தனியாக இயங்கச் செய்வதற்கான துரித நடவடிக்கை எடுக்கப்படுமென உறுதியளித்தார்.

பிரதேச செயலாளர் வீ.லவநாதன், நாடாளுமன்ற உறுப்பினர் பியசேனவின் இணைப்பாளர்களான எஸ்.தீபன், எம்.ஐ.எம்.றியாஸ், அமைச்சின் அதிகாரிகளும் கலந்துகொண்டனர்.