பொலிஸ் நடமாடும் சேவை

(எம்.சி.அன்சார்)

சம்மாந்துறை பொலிஸ் நிலையம் ஏற்பாடு செய்த பொலிஸ் நடமாடும் சேவை இன்று சம்மாந்துறை மலையடிக்கிராம அல்-ஜெனீஸ் வித்தியாலயத்தில் இடம்பெற்றது.

சம்மாந்துறை பொலிஸ் நிலைய பதில் பொறுப்பதிகாரி எஸ்.எம்.சம்சுத்தீன் தலைமையில் நடைபெற்ற இந்நடமாடும் சேவையின் போது வீதி போக்குவரத்து விபத்துக்கள் சம்பந்தமான அறிவுரைகள், டெங்கு நோய் விழிப்புணர்வு அறிவுரைகள் வழங்கப்பட்டது.

பொலிஸ் நற்சான்றுகள் வழங்குதல், பிறப்பு, இறப்பு மற்றும்  விவாகம் தொடர்பான விண்ணப்பங்களும் வழங்கப்பட்டதுடன் வைத்திய முகாம் நடைபெற்றது.