சாய்ந்தமருது மாவட்ட வைத்தியசாலை அபிவிருத்தி தொடர்பான கலந்துரையாடல்

(அப்துல் அஸீஸ்)

சாய்ந்தமருது மாவட்ட வைத்தியசாலை அபிவிருத்தி சபையினருக்கும், அமானா வங்கி உயர்மட்ட குழுவினருக்குமிடையிலான கலந்துரையாடல் அமர்வு நேற்று வைத்தியசாலையிலுள்ள அபிவிருத்திச் சபைக் காரியாலயத்தில் நடைபெற்றது.

இக் கலந்துரையாடலில் வைத்தியசாலையின் உள்ளக தேவைகள், விடுதிகளை பராமரிப்பதற்கு அனுசரணை வழங்கல் உட்பட விஷேடமாக வைத்தியசாலையின் 60வது ஆண்டு வைர விழா நிகழ்வுகள் குறித்து விரிவாக கலந்துரையாடப்பட்டதுடன்  அமானா வங்கியின் மூலம் இந்நிகழ்வுகளுக்கு அனுசரணை வழங்குதல் தொடர்பாகவும் ஆராயப்பட்டது.

இக்கலந்துரையாடலின்போது, அமானா வங்கியின் தலைமைக்காரியாலய முகாமையாளர் (நெற்வேக்) அர்சாத் ஜமால்தீன், கல்முனை அமானா வங்கி கிளையின் முகாமையாளர் எம்.சபீக், கல்முனை அமானா வங்கி கிளையின் நிறைவேற்று அதிகாரி யூ.எல்.அன்வர் மற்றும் வைத்தியசாலை அபிவிருத்தி சபை செயரலாளர் றியாத் ஏ.மஜீத், வைத்தியசாலை அபிவிருத்தி சபையின் உப தலைவர் சீ.எம்.ஏ. முனாஸ் உட்பட வைத்தியசாலை அபிவிருத்திக்குழுவின் உறுப்பினர்களும் கலந்து கொண்டனர்.