அதிபர் மாற்றத்தை கண்டித்து ஆர்ப்பாட்டம்

(ஹனீக் அஹமட்)

அக்கரைப்பற்று தொழில்நுட்பக் கல்லூரியின் அதிபர் மாற்றப்பட்டமையைக் கண்டித்தும், மீண்டும் தமது பழைய அதிபரை நியமிக்கக் கோரியும் கல்லூரியின் மாணவர்கள் நேற்று வியாழக்கிழமை காலை தொழில்நுட்பக் கல்லூயின் முன்னாலுள்ள பிரதான வீதியில் ஆர்ப்பாட்டமொன்றில் ஈடுபட்டனர்.

அக்கரைப்பற்று தொழில்நுட்பக் கல்லூரியின் அதிபராக கடமையாற்றி வந்த ஏ.ஜி. தாவூத் என்பவர் தற்போது குறித்த பதிவியிலிருந்து நீங்கப்பட்டுள்ளதோடு, அந்த இடத்துக்கு முஹம்மட் ஹசன் என்பவர் நியமிக்கப்பட்டுள்ளார்.

இதனைக் கண்டித்தே மாணவர்களால் மேற்படி ஆர்ப்பாட்டம் நடத்தப்பட்டது.

இவ் ஆர்ப்பாட்டத்தில் நூற்றுக்கும் அதிகமான மாணவர்கள் கலந்து கொண்டு, தமது பழைய அதிபரை மீண்டும் நியமிக்குமாறு கோசங்களை எழுப்பியதோடு, சுலோகங்களையும் ஏந்தியிருந்தனர்.