அமைதிக்கு பங்கம் விளைவித்த ஒருவருக்கு அபராதம்

(எஸ்.மாறன்)

அம்பாறை மாவட்டத்தின் திருக்கோவில் விநாயகபுரம் பிரதேசத்தில் மதுபோதையில் அமைதிக்கு பங்கம் விளைவித்த ஒருவருக்கு அபராதம் விதிக்கப்பட்டுள்ளது.

மேற்படி நபர்  நேற்று புதன்கிழமை பொத்துவில் நீதவான் நீதிமன்ற நீதிபதி ஜ.என்.றிஸ்வான் முன்னிலையில் ஆஜர்படுத்தப்பட்டபோதே 2,000 ரூபா தண்டம் விதித்து நீதிபதி தீர்ப்பளித்தார்.

விநாயகபுரம் பிரதேசத்தைச் சேர்ந்த 45 வயதுடைய மேற்படி நபர்  நேற்றுமுன்தினம் செவ்வாய்க்கிழமை பிற்பகல் 4 மணியளவில் மதுபோதையில் பொதுவிடத்தில் அமைதிக்கு பங்கம் விளைவித்த குற்றச்சாட்டில் பொலிஸாரினால் கைதுசெய்யப்பட்டார்.