வெளிநாட்டு சாரணர் குழுவினர் - அக்கரைப்பற்று, கல்முனை உதவி மாவட்ட சாரணர்கள் சந்திப்பு

Super User / 2012 ஏப்ரல் 06 , மு.ப. 03:45 - 0 - {{hitsCtrl.values.hits}}

(ஹனீக் அஹமட்)

தம்புள்ளை, கந்தானையில் நடைபெற்று வரும் 29ஆவது சர்வதேச சாரணர் ஜம்போரியில் பங்குபற்றும் சவூதி அரேபிய மற்றும் மாலைதீவு சாரணர் குழுவினர்களுக்கும் அக்கரைப்பற்று – கல்முனை உதவி மாவட்ட ஆணையாளர்கள் குழுவினருக்கும் இடையிலான சினேகபூர்வ சந்திப்பு கடந்த புதன்கிழமை இடம்பெற்றது.

மேற்படி அக்கரைப்பற்று - கல்முனை உதவி மாவட்ட ஆணையாளர் குழுவுக்கு அட்டாளைச்சேனை பிரதேச சபை உறுப்பினரும், உதவி மாவட்ட ஆணையாளருமான எஸ்.எல்.முனாஸ் தலைமை தாங்கினார்.

இதன்போது, அக்கரைப்பற்று – கல்முனை மாவட்ட உதவி ஆணையாளர்கள் குழுவினருக்கு சவூதி அரேபிய சாரணர் குழுவினர் நினைவு பரிசுகளை வழங்கினர்.

இக்குழுவில் அக்கரைப்பற்று – கல்முனை மாவட்ட சாரணர் உதவி ஆணையாளர்களான எம்.ஐ.எம். முஸ்தபா, கே.எம்.தமீம் மற்றும் எம்.எப்.றிபாஸ் உள்ளிட்டோர் கலந்துகொண்டனர்.

இதேவேளை, அக்கரைப்பற்று – கல்முனை மாவட்டத்திலிருந்து நான்கு பாடசாலைகளை சேர்ந்த 70க்கும் மேற்பட்ட மாணவர்கள் மேற்படி ஜம்போறியில் பங்குபற்றி வருவதாக உதவி மாவட்ட ஆணையாளர் முனாஸ் தெரிவித்தார்.

அக்கரைப்பற்று – கல்முனை சாரணர் மாவட்டத்தை சேரந்த நிந்தவூர் - அல் அஷ்ரக் வித்தியாலயம், பொத்துவில் மத்திய கல்லூரி, அக்கரைப்பற்று அஷ் - சிராஜ் வித்தியாலயம் மற்றும் மருதமுனை - அல் - மனார் மத்திய கல்லூரி ஆகிய பாடசாலைகளிலிருந்தே இம்மாணவர்கள் மேற்படி சாரணர் ஜம்போறியில் கலந்து கொண்டுள்ளதாக அவர் மேலும் கூறினார்.

இந்த சர்வதேச சாரணர் ஜம்போறியில் 23 வெளிநாடுகளைச் சேர்ந்த 07 ஆயிரத்துக்கும் மேற்பட்ட சாரணர்கள் பங்குபற்றி வருகின்றமை குறிப்பிடத்தக்கது.

Comments - 0

நண்பன் Friday, 06 April 2012 02:55 PM

வாழ்த்துக்கள். சாரணர்கள் சேர்ந்து நாட்டில் சமாதானத்தை கொண்டு வரட்டும்.

Reply : 0 0

சம்ஸ் Friday, 06 April 2012 02:56 PM

சாரணியம் என்பது கடமை கண்ணியம் கட்டுப்பாடு. இதனை ஒருங்கிணைத்து செயல்படும் மனிதன் நிச்சயம் வெற்றியடைவான்.

Reply : 0 0

ரசீன் Friday, 06 April 2012 02:57 PM

வாழ்த்துக்கள் 23 நாடு என்றால் மற்ற நாடுகளின் புகைப்படம் இல்லையாங்க?

Reply : 0 0

சிறாஜ் Friday, 06 April 2012 08:14 PM

நன்றி. ஒரு நாள் சாரணன் என்றும் சாரணனே. எவன் ஒருவன் சரணிய கொள்கை கடமை, கண்ணியம், கட்டுப்பாடு இந்த பன்புடன் வாழ்கிறானோ அவன் நிச்சயம் வெற்றி பெறுவான். இதனை 1500 வருடத்துக்கு முதலே இஸ்லாம் அழகாக சொல்லி இருக்கிறது.

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .