தடைசெய்யப்பட்ட சிகரெட்டை விற்பனைக்கு வைத்திருந்தவருக்கு அபராதம்

-எம்.எஸ்.எம்.ஹனீபா

 
அக்கரைப்பற்று பொலிஸ் பிரிவுக்குட்பட்ட அட்டாளைச்சேனையில், தடைசெய்யப்பட்ட சிகரெட்டை விற்பனைக்கு வைத்திருந்த குற்றச்சாட்டில் கைதான நபருக்கு, அக்கரைப்பற்று நீதவான் நீதிமன்ற நீதவானும் மேலதிக நீதவானுமாகிய எச்.எம்.எம்.பஸீல் 1500 ரூபாய் அபராதம் விதித்து புதன்கிழமை(11) தீர்ப்பளித்தார்.

மேற்படி நபர், சிகரெட்டை விற்பனைக்கு வைத்திருந்த நிலையில், செவ்வாய்க்கிழமை(10) அக்கரைப்பற்று பொலிஸாரினால் கைதுசெய்யப்பட்டார்.

இந்நபரை அக்கரைப்பற்று நீதவான் நீதிமன்ற நீதவானும், மேலதிக நீதவானுமாகிய எச்.எம்.எம்.பஸீல் முன்னிலையில் புதன்கிழமை(11) ஆஜர்செய்தபோதே நீதவான் மேற்படி உத்தரவை பிறப்பித்தார்.