டெங்கு காய்ச்சலினால் ஒருவர் பலி

எம்.ஏ.தாஜகான்

அம்பாறை, பொத்துவிலில் டெங்குக் காய்ச்சல் காரணமாக ஒருவர் புதன்கிழமை மரணமானார்.

பொத்துவில், சந்தை வீதியில் வசித்து வந்த றமேஸ் மதுவன்த ஜயவிக்கிரம என்பவரே இவ்;வாறு மரணமானார்.

மேற்படி நபர், காய்ச்சல் காரணமாக கடந்த 7 ஆம் திகதி  பொத்துவில் ஆதார வைத்தியசாலையில் அனுமதிக்கப்பட்டு பின்னர் மேலதிக சிகிச்சைக்காக கல்முனை ஆதார வைத்தியசாலைக்கு மாற்றப்பட்டார்.

அங்கு சிகிச்சை பலனின்றி மேற்படி நபர் நேற்று புதன்கிழமை(12) மரணமானார்.