சுகாதார இராஜாங்க அமைச்சரின் அம்பாறைக்கான விஜயம்

-வி.சுகிர்தகுமார்

சுகாதார இராஜாங்க அமைச்சர் எம்.ரி.ஹசன் அலி, திங்கட்கிழமை (23)  அம்பாறை மாவட்ட வைத்தியாலைகளின் விஜயத்தின் போது, 100 வருடம் பழமைவாய்ந்த அக்கரைப்பற்று மாவட்ட வைத்தியசாலைக்கும் சமூகமளித்தார்.

இங்கு வைத்தியசாலையின் வைத்திய அதிகாரி எம்.ரி.ஜாரியாவின் தலைமையில் நடைபெற்ற கலந்துரையாடலில் கலந்து கொண்ட அவர், வைத்தியசாலையின் குறைபாடுகள் பற்றியும் கேட்டறிந்து கொண்டார்.

இதன்போது, வைத்தியசாலையின் வைத்தியர்களால் அமைச்சர் பொன்னாடை போர்த்தி கௌரவிக்கப்பட்டதுடன், நினைவுச் சின்னத்தினையும் வழங்கி வைத்தனர்.

மேலும் அமைச்சரினால் இரண்டு இலட்சம் பெறுமதியான வைத்திய உபகரணங்கள் வைத்திய அதிகாரி எம்.ரி.ஜாரியாவிடம் கையளிக்கப்பட்டது.

இந்நிகழ்வில் வைத்தியசாலையின் உத்தியோஸ்தர்கள், வைத்தியசாலை அபிவிருத்தி குழு உத்தியோகஸ்தவர்கள் உள்ளிட்ட பலர் கலந்து கொண்டனர்.