கடல் மண் ஏற்றியவருக்கு அபராதம்

-எம்.எஸ்.எம். ஹனீபா

அக்கரைப்பற்று பிரதேசத்தில் அனுமதிப் பத்திரமின்றி கடல் மண் ஏற்றிய குற்றச்சாட்டின் பேரில் கைதுசெய்யப்பட்ட நபருக்கு 7,500 ரூபாய் அபராதம் விதித்து அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல், இன்று திங்கட்கிழமை (25) தீர்ப்பளித்தார்.  

குறித்த நபர், அக்கரைப்பற்று வடிகான் வீதியில் வைத்து அக்கரைப்பற்று பொலிஸாரால் நேற்று (24) கைது செய்யப்பட்டிருந்தார்.

அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல் முன்னிலையில் குறித்த நபரை இன்று (25) ஆஜர் செய்த போதே மேற்கண்ட உத்தரவை நீதவான் விதித்தார்.

அம்பாறை, தீகவாபி பிரதேசத்தில் அனுமதிப் பத்திரத்தை மீறி மண் ஏற்றிய குற்றச்சாட்டின் பேரில் கைதுசெய்யப்பட்ட மற்றுமொரு நபருக்கு 10,000 ரூபாய் அபராதமும் இன்று (25) விதிக்கப்பட்டுள்ளது.