புங்குடுதீவு மாணவிக்காக அம்பாறையில் கடையடைப்பு

-வி.சுகிர்தகுமார்

யாழ். புங்குடுதீவு மாணவி சிவலோகநாதன்  வித்தியாவின் கொலையை கண்டித்து  அக்கரைப்பற்று, ஆலையடிவேம்பு, ஆகிய பிரதேசங்களில் இன்று புதன்கிழமை கடை அடைப்புக்கள் இடம்பெற்றுள்ளன.  

இருந்தபோதிலும், வாகனப் போக்குவரத்துக்கள் இடம்பெற்றுவருவதுடன்,  அரச அலுவலகங்களும் பாடசாலைகளும் வழமைபோன்று செயற்பட்டுவருகின்றன.

இதேவேளை,  இந்த மாணவியின் கொலை  தொடர்பில் நியாயம் கோரிய அமைதிப் பேரணி கோளாவில் விநாயகர் மகா வித்தியாலய மாணவர்களின் ஏற்பாட்டில் நடைபெற்றது.