காட்டு யானை தாக்கி விவசாயி பலி

-ஏ.எச்.ஏ. ஹுஸைன்

அம்பாறை, பாணம பொலிஸ் பிரிவுக்குட்பட்ட உதாகம பகுதியில் காட்டு யானை தாக்கி விவசாயி ஒருவர் பலியாகியுள்ளார் என பாணம பொலிஸார் தெரிவித்தனர்.

இச்சம்பவத்தில் அப்புஹாமி ஞானரெட்ண என்ற 46 வயதான விவசாயியே பலியாகியுள்ளார்.

குறித்த நபர் வெள்ளிக்கிழமை மாலை 5 மணியளவில் தனது வயலில் வேலை செய்து கொண்டிருந்த போது,  காட்டுப் பகுதியிலிருந்து வந்த யானை தாக்கியதையடுத்து அவர் ஸ்தலத்திலேயே உயிரிழந்துள்ளார்.

பிரேதப் பரிசோதனைக்காக சடலம் பாணம வைத்தியசாலையில் வைக்கப்பட்டுள்ளதென பொலிஸார் தெரிவித்தனர்.
இச்சம்பவம் குறித்து பாணம பொலிஸார் விசாரணையை மேற்கொண்டுள்ளனர்.