மதுபோதையில் அனுமதிப்பத்திரமின்றி சைக்கிள் செலுத்திய நபருக்கு தண்டனை

-எஸ்.ஜமால்டீன் 

மதுபோதையில் சாரதி அனுமதிப்பத்திரம் இல்லாமல் மோட்டார் சைக்கிள் செலுத்திய நபருக்கு அக்கரைப்பற்று மாவட்ட நீதவான் நீதிமன்ற நீதிபதியும் மேலதிக நீதவான் நீதிமன்ற நீதிபதியுமான எச்.எம்.எம்.பஸீல் 15 நாட்கள் கடூழிய சிறைத்தண்டனையும் 21 ஆயிரம் அபராதமும் விதித்து வியாழக்கிழமை (28) தீர்ப்பளித்தார்.

அம்பாறை மாவட்டம் திருக்கோவில் பிரதேசத்தைச் சேர்ந்த நபரெருவர் திருக்கோவில் பிரதான வீதியில் மது போதையில் சாரதி அனுமதிப்பத்திரம் இன்றியும்   மோட்டார் சைக்கிளை செலுத்தி வந்துள்ளார்.

இதன்போது அவரை கடந்த புதன்கிழமை (27) திருக்கோலவில் பொலிஸார் கைது செய்து நீதிமன்றத்தில் வியாழக்கிழமை (28) ஆஜர்படுத்தியபோதே மேற்படி உத்தரவு பிறப்பிக்கப்பட்டது.