தெரிவுசெய்யப்பட்ட உயர்தர மாணவர்களுக்கு 'சிப்தொற' புலமைப்பரிசில் வழங்கும் நிகழ்வு

-வி.சுகிர்தகுமார்

ஆலையடிவேம்பு பிரதேச செயலகப் பிரிவில் உயர்தரம் கற்கும் வாழ்வின் எழுச்சி அபிவிருத்தித் திணைக்களப் பயனாளிக் குடும்பங்களிலிருந்து தெரிவுசெய்யப்பட்ட 20 மாணவ, மாணவியர்களுக்கு 'சிப்தொற' புலமைப்பரிசில்களை வழங்கும் நிகழ்வு  பிரதேச செயலககத்தில் புதன்கிழமை(08)  நடைபெற்றது.

பிரதேச செயலாளர் வி.ஜெகதீசன் தலைமையில் நடைபெற்ற நிகழ்வில், ஒரு மாணவருக்கும் 16,000 ரூபாய் வீதம் வழங்கி வைக்கப்பட்டது.

இந்நிகழ்வில்  தலைமையக முகாமையாளர் கே.நேசராஜா உள்ளிட்டோர் கலந்து கொண்டனர்.