சந்தேகத்துக்கிடமாக நடமாடிய இருவர் கைது

-வி.சுகிர்தகுமார்

அக்கரைப்பற்று பொலிஸ் பிரிவுக்குட்பட்ட ஒலுவில் பிரதேசத்தில் சந்தேகத்துக்கிடமான முறையில் நடமாடியதாகக் கூறப்படும் யாழ். பருத்தித்துறையை சேர்ந்த 34 மற்றும் 22 வயதுகளையுடைய  இருவரை இன்று திங்கட்கிழமை (13) அதிகாலை  கைதுசெய்ததாக பொலிஸார் தெரிவித்தனர்.

தமக்கு  கிடைத்த தகவலை தொடர்ந்து இவர்களை கைதுசெய்ததாகவும் பொலிஸார் கூறினர்.

நண்பர் ஒருவரின்  வீட்டில் நடைபெறும் இப்தார் நிகழ்வில் கலந்துகொள்வதற்கு வந்ததாகக் கூறிய இவர்கள் இருவரில் ஒருவர், ஏற்கெனவே சிறையில் இருந்தவர் என்பது தொடர்பில் ஆரம்பக்கட்ட விசாரணையிலிருந்து   தெரியவந்துள்ளதாகவும் பொலிஸார் கூறினர்.