கிழக்கு மகாண அமைச்சர் இராஜினாமா

-எஸ்.எல்.அப்துல் அஸீஸ்

கிழக்கு மகாண அமைச்சர் எம்.எம்.மன்சூர் தனது அமைச்சர் பதவியையும்  உறுப்பினர் பதவியையும் நேற்று ஞாயிற்றுக்கிழமை (12) மாலை இராஜினாமா செய்துள்ளார்.

நாடாளுமன்ற பொதுத்தேர்தலில் திகாமடுல்ல மாவட்டத்தில், சம்மாந்துறைத் தொகுதியில் போட்டியிடுவதாயின் தனது அமைச்சு பதவியையும் உறுப்பினர் பதவியையும் இராஜினாமா செய்ய வேண்டும் என்று, ஸ்ரீ லங்கா முஸ்லிம் காங்கிரஸின் தலைமைத்துவத்தின் வேண்டுகோளுக்கு இணங்க, இவர் தனது இராஜினாமா  கடிதத்தை தலைமைத்துவத்திடம் ஒப்படைத்ததாக தெரிவித்தார்.

இதவேளை இவரின் அமைச்சு பதவியும் உறுப்பினர் பதவியும் கடந்த கிழக்கு மகாண சபையில் ஸ்ரீ லங்கா முஸ்லிம் காங்கிரஸ் கட்சியில் போட்டியிட்டு தற்போதய காத்திருப்போர் பட்டியலில் உள்ள  சம்மாந்துறை  தொகுதியைச் சேர்ந்த ஐ.எல்.எம். மாஹிருக்கு  வழங்கப்படவுள்ளதாக ஸ்ரீ லங்கா முஸ்லிம் காங்கிரஸ் கட்சியின் தலைவரும் அமைச்சருமான ரவூப் ஹக்கீம் தெரிவித்துள்ளார்.