கிழக்கு மாகாணசபைக்கு புதிய உறுப்பினர்

-ஏ.ஜே.எம்.ஹனீபா

கிழக்கு மாகாணசபையின் புதிய உறுப்பினராக ஏ.எல்.எம்.மாஹீர் நியமிக்கப்படவுள்ளார்.

கிழக்கு மாகாண சுகாதார சுதேச வைத்தியத்துறை அமைச்சரான எம்.ஐ.எம்.மன்சூர்  எதிர்வரும் பொதுத்தேர்தலில் போட்டியிடுவதன் நிமித்தம் தனது  அமைச்சுப்பதவி மற்றும் மாகாணசபை உறுப்புரிமை என்பவற்றை இராஜினாமாச் செய்துள்ளார். இதை அடுத்தே,  ஏ.எல்.எம்.மாஹீர் கிழக்கு மாகாணசபையின் புதிய  உறுப்பினராக  தெரிவுசெய்யப்பட்டுள்ளதாக ஸ்ரீலங்கா முஸ்லிம் காங்கிரஸின் செயலாளர் நாயகம் எம்.ரி.ஹஸன் அலி, நேற்று திங்கட்கிழமை (13) தெரிவித்தார்.  

ஸ்ரீலங்கா முஸ்லிம் காங்கிரஸின் உயர்பீட உறுப்பினரான ஏ.எல்.எம்.மாஹீர், இலங்கைக்கான  சவூதி அரேபிய தூதரகத்தின் பொதுசன தொடர்பு அதிகாரியாக கடமையாற்றிவந்தமை குறிப்பிடத்தக்கது.