அனுமதிப்பத்திரமின்றி மாடுகளை கொண்டு சென்ற இருவர் கைது

-ஏ.எஸ்.எம்.முஜாஹித்

மட்டக்களப்பு ஜெயந்தியாய பிரதேசத்தில் இருந்து நாவிதன்வெளி பிரதேசத்துக்கு அனுமதிப்பத்திரமின்றி 47 எருமை மாடுகளை கொண்டு சென்ற இருவரை கைதுசெய்துள்ளதுடன் மாடுகளையும் கைப்பற்றியுள்ளதாக சவளக்கடை பொலிஸ் நிலையப் பெறுப்பதிகாரி தெரிவித்தார்.

சவளக்கடை பொலிஸாருக்கு கிடைத்த இரகசிக தகவலையடுத்து சவளக்கடை பொலிஸ் நிலையப் பெறுப்பதிகாரி ஏ.எம்.எம்.நஜீபின் வழிகாட்டலில் பொலிஸ் பரிசோதகர் ஏ.எல்.சாஹீர் தலைமையிலான பொலிஸ் குழுவினர் வெள்ளிக்கிழமை அதிகாலை வேளையில் அன்னமலை வேப்பையடி பிரதேசத்தில் வைத்து மாடுகளையும், சந்தேக நபர்களையும் கைதுசெய்துள்ளனர்.

இது தொடர்பான மேலதிக விசாரணைகளை சவளக்கடை பொலிஸார் மேற்கொண்டு வருகின்றனர்.