விபத்தில் இருவர் படுகாயம்

-ஏ.எஸ்.எம்.முஜாஹித்

கல்முனை, காரைதீவு பிரதான வீதியின் மாளிகைக்காடு பிரதேசத்தில் இடம்பெற்ற விபத்தில் படுகாயமடைந்த இருவரை கல்முனை அஷ்ரப் ஞாபகார்த்த வைத்தியசாலையில் அனுமதித்துள்ளதாக கல்முனை பொலிஸார் வெள்ளிக்கிழம (31) தெரிவித்தனர்.

கல்முனையிலிருந்து மோட்டார் சைக்கிளில் பயணித்துக்கொண்டிருந்த மேற்படி இருவரும், ஒருவரை ஒருவர் முந்திச் செல்ல முற்பட்ட வேளையிலே இவ்விபத்து சம்பவித்துள்ளது.

இச்சம்பவம் தொடர்பான விசாரணைகளை கல்முனை மோட்டார் போக்குவரத்து பொலிஸார் மேற்கொண்டு வருகின்றனர்.