அட்டாளைச்சேனை மாணவர்களுக்காக பற்சிகிச்சை நிலையம்

-பைஷல் இஸ்மாயில்

அட்டாளைச்சேனை பிரதேசத்திலுள்ள மாணவர்களின் நலன் கருதி அட்டாளைச்சேனை அல் முனீறா பெண்கள் உயர் பாடசாலையில் பற்சிகிச்சை நிலையம் இன்று வியாழக்கிழமை திறந்துவைக்கப்பட்டு சிகிச்சை வழங்கப்படவுள்ளதாக அப்பாடசாலையின் பிரதி அதிபர் ஐ.எம்.பாஹிம் தெரிவித்தார்.

கல்முனை பிராந்திய சுகாதார சேவைகள் பணிமனையின் ஏற்பாட்டில் பற்சிகிச்சை நிலையம்  திறந்துவைக்கப்படவுள்ளது.
அட்டாளைச்சேனை, தைக்காநகர், சம்புநகர், ஆலங்குளம், மீலாத்நகர், பாலமுனை, திராய்க்கேணி ஆகிய பிரதேசங்களிலுள்ள பாடசாலை மாணவர்களுக்காக இந்த பற்சிகிச்சை நிலையம் திறந்துவைக்கப்படுவதாகவும் அவர் கூறினார்.

பாடசாலையின் அதிபர் எம்.ஐ.எம்.அப்துல் சலாம் தலைமையில் நடைபெறவுள்ள இந்த நிகழ்வில்  பிரதம அதிதியாக கல்முனை பிராந்திய சுகாதாரப் பணிப்பாளர் டாக்டர் ஏ.எல்.அலாவுதீன், மாவட்ட பற்சிகிச்சை வைத்தியர் டாக்டர் ஏ.எல்.லத்தீப் உள்ளிட்ட பலர் கலந்துகொள்ளவுள்ளனர்.