அட்டாளைச்சேனை விவசாயிகளிடம் 75 ஆயிரம் கிலோகிராம் நெல் கொள்வனவு

-எம்.எஸ்.எம்.ஹனீபா

அம்பாறை, அட்டாளைச்சேனை விவசாயிகளிடமிருந்து அரசாங்க உத்தரவாத விலைக்கு சிறுபோக நெல் கொள்வனவு கடந்த ஐந்தாம் திகதி ஆரம்பிக்கப்பட்டுள்ள நிலையில், இதுவரையில் 75 ஆயிரம் கிலோகிராம் நெல் கொள்வனவு செய்யப்பட்டுள்ளதாக நெல் சந்தைப்படுத்தும் சபையின் அட்டாளைச்சேனை நெல் களஞ்சியசாலையின் பொறுப்பதிகாரி டபிள்யூ.ஏ.லியனகே நேற்று செவ்வாய்க்கிழமை தெரிவித்தார்.

ஒரு கிலோ சம்பா 50 ரூபாய் படியும் ஒரு கிலோகிராம் நாடு  45 ரூபாய் படியும் அரசாங்க உத்தரவாத விலைக்கு கொள்வனவு செய்யப்படுவதுடன், விவசாயி ஒருவரிடமிருந்து இரண்டாயிரம் கிலோகிராம் நெல் கொள்வனவு செய்யப்படுவதாகவும் அவர் கூறினார்.