அட்டாளைச்சேனையில் நாளை அ.இ.ம.காங்கிரஸின் பிரசாரக் கூட்டம்

-ஐ.ஏ.ஸிறாஜ்

அகில இலங்கை மக்கள் காங்கிரஸின் அட்டாளைச்சேனை மத்திய குழுவினால் ஏற்பாடு செய்யப்பட்டுள்ள மாபெரும் தேர்தல் பிரசாரக் கூட்டம், நாளை வியாழக்கிழமை (13) மாலை 4.30 மணிக்கு அட்டாளைச்சேனை பிரதான வீதியில் நடைபெறவுள்ளது.

அகில இலங்கை மக்கள் காங்கிரஸ் கட்சியின் சார்பாக திகாமடுல்ல மாவட்ட வேட்பாளர் ஏ.சீ.எம் சமீர் ஹாஜியாரை ஆதரித்து இப்பிரச்சாரக்கூட்டம் நடைபெறவுள்ளது. 

கட்சியின் தேசிய தலைவரும் அமைச்சருமான ரிஷாட் பதியுதீன் பிரதம அதிதியாகவும் நாடாளுமன்ற முன்னாள் உறுப்பினர் எம்.எஸ்.அமீர் அலி மற்றும் கட்சியின் செயலாளர் நாயகம் வை.எல்.எஸ் ஹமீட் ஆகியோர் கௌரவ அதிதிகளாகவும் கலந்துகொள்ளவுள்ளதுடன், கட்சியின் முக்கியஸ்தர்களும் அகில இலங்கை மக்கள் காங்கிரஸ் சார்பாக திகாமடுல்ல மாவட்டத்தில் போட்டியிடும் வேட்பாளர்களும் இதில் கலந்துகொள்ளனர்.