அக்கரைப்பற்று பிரதேச அபிவிருத்தி ஒருங்கிணைப்புக்குழுக் கூட்டம்

-பைஷல் இஸ்மாயில்

அக்கரைப்பற்று பிரதேச அபிவிருத்தி ஒருங்கிணைப்புக்குழுக் கூட்டம், அக்கரைப்பற்று பிரதேச செயலக கேட்போர் கூடத்தில் இன்று புதன்கிழமை நடைபெற்றது.

இதன்போது, அக்கரைப்பற்று மாநகர சபை மற்றும் அக்கரைப்பற்று பிரதேச சபை எல்லைக்குட்பட்ட அபிவிருத்தித் திட்டங்கள் பற்றி கலந்துரையாடப்பட்டதுடன், தேவைப்பாட்டின் அடிப்படையில்  அபிவிருத்தி வேலைத்திட்டங்களை ஒழுங்கு முறையில் மேற்கொள்வதற்கும் தீர்மானிக்கப்பட்டது.

கடந்த வருடம் மேற்கொள்ளப்பட்ட அபிவிருத்தித் திட்டங்கள் மற்றும்  நடைமுறைப்படுத்தப்படாமலுள்ள வேலைத்திட்டங்கள் ஆராயப்பட்டது.

மேலும், மேற்கொள்ளப்பட வேண்டிய வீதி அபிவிருத்தி, வடிகாலமைப்புச் சீராக்கல், மீனவர் பிரச்சினை, மீனவர்களின் சந்தைப்படுத்தலுக்கான இலகு வழிமுறைகளை ஏற்படுத்தல், சுகாதாரத்துறையை விருத்தி செய்தல், சந்தைக் கட்டட விஸ்தரிப்பு, மீனவர் சந்தை விஸ்தரிப்பு, கல்வித்துறை அபிவிருத்தி, போக்குவரத்து, தபால்சேவை, விளையாட்டுத்துறை, நவீன தொடர்பாடல் சேவை போன்ற விடயங்களை மக்கள் தேவைக்காக துரிதகதியில் விருத்தி செய்வதற்கான தீர்மானம் இதன்போது  எட்டப்பட்டது.