அகில இலங்கை மக்கள் காங்கிரஸின் பேராளர் மாநாடு நாளை

-ஏ.எம்.ஏ.பரீத்

அகில இலங்கை மக்கள் காங்கிரஸின் பேராளர் மாநாடு, குருநாகல் பியவர ஹோட்டலில் நாளை ஞாயிற்றுக்கிழமை(17) காலை 10.00 மணிக்கு நடைபெறவுள்ளது.

கட்சியின் தவிசாளரும், பிரதி அமைச்சருமான எம்.எஸ்.எஸ்.அமீரலி தலைமையில் இடம்பெறவிருக்கும் இந்நிகழ்வில் பிரதம விருந்தினராக கட்சியின் தலைவரும், அமைச்சருமான றிஷாட் பதியுதீன் கலந்துகொள்ளவுள்ளார்.

இந்த பேராளர் மாநாட்டில், கட்சியின் யாப்புத் திருத்தம் மற்றும் கட்சியின் எதிர் கால நடவடிக்கைகள் தொடர்பில் முக்கிய முடிவுகள் எடுக்கப்படவுள்ளதுடன் எதிர்கால அரசியல் சூழ்நிலையை கட்சி எவ்வாறு கையாள்வது என்பது குறித்தும் ஆராயப்படவுள்ளதாகவும் எற்பாட்டாளர்கள்  தெரிவித்துள்ளனர்.