அட்டாளைச்சேனை தள ஆயுர்வேத வைத்தியசாலையின் தேவைகளை பூர்த்தியாக்கவும்

-பைஷல் இஸ்மாயில்

அட்டாளைச்சேனை தள ஆயுர்வேத வைத்தியசாலைக்கு நவீன ஆய்வுகூடம், பற்சிகிச்சைப்பிரிவு மற்றும் கதிரியக்கப்பிரிவை ஏற்படுத்தித் தருமாறு கிழக்கு மாகாண சுகாதார அமைச்சர் ஏ.எல்.எம்.நஸீரிடம் கோரிக்கை விடுக்கப்பட்டுள்ளது.

அட்டாளைச்சேனை தள ஆயுர்;வேத வைத்தியசாலைக்கு சிகிச்சை பெற வருகின்றவர்களின் எண்ணிக்கை அதிகரிக்கின்றது. இவ்வைத்தியசாலையில் ஆய்வுகூடம், பற்சிகிச்சைப்பிரிவு, கதிரியக்கப்பிரிவு என்பன இல்லாமையினால்; நோயாளர்கள் இன்னல்களை எதிர்கொண்டு வருகின்றனர்.

எனவே, இவ்வைத்தியசாலையில் காணப்படும் இத்தேவைப்பாடுகளை சுட்டிக்காட்டி அவற்றை  நிவர்த்திசெய்து தருமாறு கோரி கிழக்கு மாகாண சுகாதார அமைச்சருக்கு புதன்கிழமை (16) கடிதம் அனுப்பப்பட்டதாக அட்டாளைச்சேனை தள ஆயுர்வேத வைத்தியசாலையின் வைத்திய அத்தியட்சகர், வைத்தியசர் கே.எல்.எம்.நக்பர் தெரிவித்தார்.