அனர்த்த முகாமைத்துவ துரிதப்படுத்தல் வேலைத்திட்டம்

-எஸ் .எல். அஸீஸ்

கல்முனை பிரதேசத்தில் அனர்த்த முகாமைத்துவ துரிதப்படுத்தல் வேலைத்திட்டம் இன்று(03) ஆரம்பித்து வைக்கப்பட்டது.

இவ்விடயம் தொடர்பாக இன்று கல்முனை பிரதேசசெயலகத்தில் இடம்பெற்ற கூட்டத்தில் இப் பிரதேசம் தொடர்ந்து பெய்து  வரும் மழை காரணமாக அனர்த்தங்கள் தொடர்பாக எதிர்நோக்கும் பிரச்சினைகள்,அதனை தீர்க்க மேற்கொள்ளப்படவிருக்கும் உடனடி நடவடிக்கைகள்,எதிர்கால முன்னாயத்த நடவடிக்கைகள் போன்ற பல விடயங்கள் ஆராயப்பட்டதுடன் அதற்கான விசேட செயலணி முறையும் அறிமுகப்படுத்தப்பட்டது.

கல்முனை பிரதேச அனர்த்த முகாமைத்துவ  உத்தியோகத்தர் ஏ.ஆர்.நபாயிஸ்யின் ஒருங்கிணைப்பிலும் பிரதேச செயலாளர் எம்.எச்.முகமட் கனி தலைமையிலும் இடம்பெற்ற இந்த அமர்வில் கல்முனை மாநகர ஆணையாளர்  ஜெ.லியாக்கத்தலி, மாவட்ட அனர்த்த முகாமைத்துவ  உத்தியோகத்தர் எ.சி.எ.வாகிர்  உட்பட பலரும் கலந்துகொண்டனர்.