ஆற்றுமண் ஏற்றியவர் கைது

-எஸ்.ஜமால்டீன்

சட்டவிரோதமாக ஆற்றுமண் அகழ்ந்து உழவு இயந்திரத்தில் ஏற்றிய குற்றச்சாட்டில் 26 வயதுடைய சாரதியை அம்பாறை, கண்ணகிபுரம் கிராமத்தில் இன்று ஞாயிற்றுக்கிழமை பொலிஸார் கைதுசெய்துள்ளதுடன், உழவு இயந்திரத்துடன், அம்மண்ணையும் கைப்பற்றியுள்ளனர்.

இது தொடர்பில் தமக்குக் கிடைத்த தகவலை அடுத்து, குறித்த இடத்துக்குச் சென்று தேடுதல் நடத்தியபோது, உழவு இயந்திரத்தில் மண் ஏற்றப்பட்டிருந்தமை கண்டுபிடிக்கப்பட்டதாகப் பொலிஸார் தெரிவித்தனர்.

பொலிஸ் பிணையில் விடுவித்துள்ள இந்நபரை எதிர்வரும் செவ்வாய்க்கிழமை அக்கரைப்பற்று நீதவான் நீதிமன்றத்தில் ஆஜராகுமாறு பொலிஸார் பணித்துள்ளனர்.