ஆற்று மணல் ஏற்றியவருக்கு அபராதம்

-எம்.எஸ்.எம். ஹனீபா 

அக்கரைப்பற்று பொலிஸ் பிரிவுக்குட்பட்ட 5ஆம் கட்டைப் பிரதேசத்தில் அனுமதிப்பத்திரத்தை மீறி சட்டவிரோதமாக ஆற்று மண் ஏற்றிய குற்றச்சாட்டின் பேரில் கைது செய்யப்பட்ட  நபரொருவருக்கு, 10 ஆயிரம் ரூபாய் அபராதத்தை  அக்கரைப்பற்று மாவட்ட நீதிமன்ற பதில் நீதவானும், நீதவான் நீதிமன்ற பதில் நீதவானுமாகிய எஸ்.ஏ.ஆர். ஆகிலா, இன்று வியாழக்கிழமை (03) விதித்துள்ளார்.
 
அக்கரைப்பற்று பொலிஸாருக்குக் கிடைத்த தகவலையடுத்து குறித்த நபர், நேற்று புதன்கிழமை (02) கைது செய்யப்பட்டார். 
 
இந்நபரை, அக்கரைப்பற்று மாவட்ட நீதிமன்ற பதில் நீதவானும், நீதவான் நீதிமன்ற பதில் நீதவானுமாகிய எஸ்.ஏ.ஆர். ஆகிலா முன்னிலையில் இன்று (03) ஆஜர்படுத்திய போதே மேற்கண்டவாறு அபராதம் விதிக்கப்பட்டுள்ளது.