இந்தியப் பிரஜைகள் நால்வர் கைது

-அஸ்லம் மௌலானா

அம்பாறை, கல்முனைப் பிரதேசத்தில் சட்டவிரோதமாக தங்கியிருந்து புடைவை வியாபாரத்தில் ஈடுபட்டு வந்ததாகக் கூறப்படும் இந்திய பிரஜைகள் நான்கு பேர் இன்று புதன்கிழமை கைதுசெய்யப்பட்டுள்ளதாக பொலிஸார் தெரிவித்தனர்.

சுற்றுலா வீசாவில் இலங்கைக்கு வந்த  இவர்கள், கடந்த சில காலமாக இலங்கையின் பல பாகங்களிலும் புடைவை வியாபாரத்தில் ஈடுபட்டு வந்துள்ளதாக ஆரம்பக்கட்ட விசாரணையிலிருந்து தெரியவந்துள்ளதாகவும் பொலிஸார் கூறினர்.