இனியபாரதியின் ஆதரவாளர்களில் ஏனைய இருவருக்கு விளக்கமறியல்

-ரீ.கே.றஹ்மத்துல்லா

முன்னாள் ஜனாதிபதி மஹிந்த ராஜபக்ஷவின் அம்பாறை மாவட்ட இணைப்பாளரும் கிழக்கு மாகாணசபை உறுப்பினருமான கே.புஸ்பகுமாரின் (இனியபாரதி) முன்னாள் வாகனச் சாரதி உட்பட ஆதரவாளர்கள் மூவரில்  ஏனைய இருவரையும் எதிர்வரும் செப்டெம்பர் மாதம் 06ஆம் திகதிவரை விளக்கமறியலில் வைக்குமாறு அக்கரைப்பற்று மாவட்ட நீதிமன்ற நீதவானும் மேலதிக நீதவான் நீதிமன்ற நீதவானுமான திருமதி நளினி கந்தசாமி, இன்று செவ்வாய்க்கிழமை உத்தரவிட்டார்.

விளக்கமறியலில் வைக்கப்பட்டுள்ள இச்சந்தேக நபர்கள் இருவரையும் அவர்கள் தொடர்பாக தெரிவிக்கப்பட்டுள்ள குற்றச்சாட்டுகள் தொடர்பில் எதிர்வரும் செப்டெம்பர் மாதம் 02ஆம் திகதி இடம்பெறவுள்ள அடையாள அணிவகுப்புக்கு கொண்டுவருமாறும் நீதவான் உத்தரவிட்டுள்ளார்.