இரண்டு தேநீர் கடைகளை மூட உத்தரவு

-ரீ.கே.றஹ்மத்துல்லா

அம்பாறை, சம்மாந்துறைப் பிரதேச சுகாதார வைத்திய அதிகாரி பிரிவுக்குட்பட்ட பகுதியில் சுகாதாரத்;துக்கு கேடு விளைவிக்கும் வகையில் பழுதடைந்த உணவுகள் மற்றும் பாவனைக்கு உதவாத பொருட்களை விற்பனைக்காக வைத்திருந்த இரு தேநீர்க் கடைகளை எதிர்வரும் 10ஆம் திகதிவரை மூடுமாறு சம்மாந்துறை நீதவான் நீதிமன்ற  நீதவான் எச்.எம்.முகம்மது பஸீல், நேற்று வியாழக்கிழமை உத்தரவிட்டார்.

சம்மாந்துறை பிரதேச சுகாதார வைத்திய அதிகாரி பணிமனைக்கு உட்பட்ட பல தேநீர்க் கடைகள் மற்றும் பலசரக்குக் கடைகளில் பொதுச் சுகாதார பரிசோதகர்கள் மேற்கொண்ட சுற்றிவளைப்பின்போது, இந்த இரு தேநீர்க் கடைகளும் கண்டுபிடிக்கப்பட்டன.  

இந்தக் கடைகளிலிருந்து பாவனைக்கு உதவாத தேங்காய் எண்ணெய், அழுகிய மரக்கறிகள் உள்ளிட்டவை கைப்பற்றப்பட்டன.