இலவச வைத்திய முகாம்

-ஏ.எஸ்.எம்.முஜாஹித்

சவளக்கடை பொலிஸார் ஏற்பாடு செய்த இலவச சுதேச வைத்திய முகாம் நேற்று சனிக்கிழமை அன்னமலை -03 கிராம சேவை உத்தியோகத்தர் பிரிவிலுள்ள மீனவர் சங்க கட்டடத்தில் இடம்பெற்றது.

பிரதேசத்திலுள்ள முதியவர்கள் சுதேச வைத்தியத்தில் அதிக நாட்டம் காட்டிவருவதை கவனத்தில் கொண்டே இவ்வைத்திய முகாம் ஏற்பாடு செய்யப்பட்டது.

சவளக்கடை பொலிஸ் நிலைய பொறுப்பதிகாரி ஏ.எம்.எம்.நஜீப் தலைமையில் நடைபெற்ற இம்முகாமில் சுதேச வைத்தியர் ஏ.ஜே.ஏ.றஸீம் கலந்து கொண்டு வைத்திய சேவையை வழங்கினார்.

இதில் 100ற்கும் மேற்பட்ட முதியவர்கள் இலவச வைத்திய சேவையை பெற்றுக்கொண்டனர்.