உயர்மட்டக்கூட்டம்

-பைஷல் இஸ்மாயில்

ஆசிய அபிவிருத்தி வங்கியின் நிதியில் கிழக்கு மாகாண சபையினால் அமுல் நடத்தப்படவுள்ள அதிவேக நெடுஞ்சாலை திட்டத்தின் கீழ் நிர்மாணிக்கப்படவிருக்கும் 600 கிலோ மீட்டர் வீதிகள் தொடர்பான உயர்மட்டக்கூட்டம் நேற்று மாலை அக்கரைப்பற்று பிரதேச சபை கூட்ட மண்டபத்தில் கிழக்கு மாகாண சுகாதார அமைச்சர் ஏ.எல்.எம். நஸீர் தலைமையில் இடம்பெற்றது.

இக்கூட்டத்தில், அம்பாறை மாவட்ட மாகாண சபை உறுப்பினர்கள், கிழக்கு மாகாண முதலமைச்சின் செயலாளர் யூ.எல்.ஏ.அஸீஸ், 12 பிரதேச சபைகளின் செயலாளர்கள் ஆகியோர் லந்துகொண்டு அம்பாறை மாவட்ட தமிழ், முஸ்லிம் பிரதேச சபைகளுக்குட்பட்ட பிரிவுகளில் நிர்மாணிக்கப்படவுள்ள விதிகள் பற்றிய மிக விரிவான கலந்துரையாடலை நடத்தினர்.

அதன் அடிப்படையில் 12 பிரதேச சபைகளுக்குள் மேற்கொள்ளவுள்ள வீதிகளின் அளவுகளும் இக்கலந்துரையாடலில் பிரிக்கப்பட்டது. அதன் விபரம் வருமாறு:

01. காரைதீவு பிரதேச சபை - 07 கி.மீ

02. இறக்காமம் பிரதேச சபை - 08 கி.மீ

03. திருகோவில் பிரதேச சபை -08 கி.மீ

04. நாவிதன்வெளி பிரதேச சபை - 08 கி.மீ

05. ஆலையடிவேம்பு பிரதேச சபை - 08 கி.மீ

06. நிந்தவூர் பிரதேச சபை - 08 கி.மீ

07. அட்டாளைச்சேனை பிரதேச சபை - 09 கி.மீ

08. சம்மாந்துறை பிரதேச சபை - 09 கி.மீ

09. பொத்துவில் பிரதேச சபை - 09 கி.மீ

10. அக்கரைப்பற்று பிரதேச சபை - 07. கி.மீ

11. அக்கரைப்பற்று மாநாகர சபை - 8.5 கி.மீ

12. கல்முனை மாநாகர சபை - 8.5 கி.மீ

மீதமானவை சிங்களக்கிராமங்களுக்கு வழங்கப்பட்டுள்ளன.