உலமாக் கட்சியின் வரைவை சமர்ப்பிக்க நடவடிக்கை

-அஸ்லம் எஸ்.மௌலானா

அரசியல் யாப்பு சீர்திருத்தத்துக்கான உலமாக் கட்சியின் ஆலோசனைகள் மற்றும் முன்மொழிவுகள் அடங்கிய வரைவை இந்த வாரம் நாடாளுமன்றத்தில் செயற்படும் அரசியல் யாப்புச் சபைக்கு சமர்ப்பிக்கவுள்ளதாக அக்கட்சியின் தலைவர் கலாநிதி முபாறக் அப்துல் மஜீத் மௌலவி, இன்று திங்கட்கிழமை தெரிவித்தார்.

சில முஸ்லிம் கட்சிகள், அரசியல் யாப்பு சீர்திருத்தத்துக்குரிய வரைவை தயாரிக்க முடியாமல் இன்னமும் திண்டாடிக்கொண்டிருக்கின்றன. செயலமர்வுகள் நடத்தி ஆலோசனைகளை பெறுவதாகக் கூறி மக்களை ஏமாற்றிக்கொண்டிருக்கும் சூழ்நிலையில், உலமாக் கட்சி தனது வரைவை துரிதமாக தயாரித்து முடித்துள்ளது.

எதிர்வரும் 22ஆம் திகதி கல்முனையில் நடைபெறவுள்ள உலமாக் கட்சியின் ஊடக மாநாட்டில் தாம் தயாரித்துள்ள வரைவில் உள்ளடக்கப்பட்டுள்ள ஆலோசனைகள், முன்மொழிவுகள் மற்றும் தீர்வுத்திட்டம் பற்றி விவரித்துக் கூறவுள்ளதாகவும் அவர் கூறினார்.