எருமை மாடுகள் திருட்டு ; மூவர் கைது

-கனகராசா சரவணன்

அம்பாறை மத்திய முகாம் வயல் பிரதேசத்தில் மேய்ச்சலுக்கு சென்ற 15 எருமை மாடுகளை கடத்தி திருடிச் சென்ற சம்பவம் தொடர்பில் மூன்று சந்தேக நபர்களை நேற்று சனிக்கிழமை இரவு தமன்ன பொலிஸார் கைது செய்துள்ளனர்.

நிந்தவூர்,ஏறாவூர் பகுதிகளைச் சேர்ந்த நபர்களே இவ்வாறு கைது செய்யப்பட்டுள்ளதாக பொலிஸார் தெரிவித்தனர்.

மேலும், திருடப்பட்ட எருமை மாடுகளில் ஏற்கனவே 6 எருமை மாடுகள் உரிமையாளரிடம் ஒப்படைக்கப்பட்டிருந்த நிலையில் நேற்று இரவு தமன்ன பொலிஸ் பிரிவில் மேலும் 5 எருமை மாடுகளை பொலிஸார் மீட்டுள்ளனர்.

கைது செய்யப்பட்ட நபர்களை இன்று ஞாயிற்றுக்கிழமை கல்முனை நீதவான் நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளது.