கேரள கஞ்சாவுடன் கைதான இருவருக்கு விளக்கமறியல்

-எஸ்.ஜமால்டீன்

கேரள கஞ்சாவுடன் கைதான இருவரையும் எதிர்வரும் 25ஆம் திகதிவரை விளக்கமறியலில் வைக்குமாறு அக்கரைப்பற்று மாவட்ட நீதிமன்ற நீதவானும் மேலதிக நீதவான் நீதிமன்ற நீதவானுமான திருமதி நளினி கந்தசாமி, நேற்று வியாழக்கிழமை உத்தரவிட்டார்.

இச்சந்தேக நபர்களிடம் கஞ்சா இருப்பதாக அம்பாறை மாவட்ட போதைப்பொருள் குற்றத்தடுப்பு பொலிஸாருக்கு கிடைத்த தகவலையடுத்து, பொலிஸார் நேற்றுமுன்தினம் புதன்கிழமை (10) மாலை நடத்திய சுற்றிவளைப்பின்போது அக்கரைப்பற்று பிரதேசத்தில் 3.9 கிராம் கேரள கஞ்சாவுடன் 26 வயதுடைய ஒருவரையும் அட்டாளைச்சேனை பிரதேசத்தில் 24.5 கிராம் கேரள கஞ்சாவுடன் 27 வயதுடைய ஒருவரையும் கைதுசெய்தனர்.