கஞ்சா வைத்திருந்தவருக்கு அபராதம்

-எம்.எஸ்.எம். ஹனீபா

அம்பாறை, அக்கரைப்பற்று பிரதேசத்தில் 450 மில்லி கிராம் கஞ்சா போதைப் பொருள் வைத்திருந்த குற்றச்சாட்டின் பேரில் கைது செய்யப்பட்ட நபர் ஒருவரை 10 ஆயிரம் ரூபாய் அபராதமாக செலுத்துமாறு அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான திருமதி நளினி கந்தசாமி நேற்று(10) வெள்ளிக்கிழமை உத்தரவிட்டார்.

அக்கரைப்பற்று பொலிஸாரால் குறித்த நபர் நேற்று வெள்ளிக்கிழமை கைது செய்யப்பட்டிருந்தமை குறிப்பிடத்தக்கது.