கல்முனையில் செயலமர்வு

-ஏ.எஸ்.எம்.முஜாஹித்

விவசாய அபிவிருத்தித் திணைக்களம் ருஹூனு நிறுவனத்துடன் இணைந்து அரச உத்தியோகத்தர்களுக்கு விவசாய அபிவிருத்தி வேலைத்திட்டங்களை நடைமுறைப்படுத்துதல் தொடர்பாக நடத்திய செயலமர்வு கல்முனை தமிழ்ப் பிரதேச செயலகத்தில் இன்று திங்கட்கிழமை (02) நடைபெற்றது.

இதன்போது,மாவட்டத்தில் விவசாய அபிவிருத்தி வேலைத்திட்டங்களை நடைமுறைப்படுத்தும் போது விவசாயிகள், பொதுமக்கள் மற்றும் அரச உத்தியோகத்தர்கள் எதிர்நோக்கும் பிரச்சினைகள் தொடர்பாக ஆராயப்பட்டதுடன் இதற்கான தீர்வுகளும் முன்வைக்கப்பட்டன.

இந்த செயலமர்வில் கல்முனை, பாண்டிருப்பு, நற்பிட்டிமுனை, சேனைக்குடியிருப்பு, பெரியநீலாவணை போன்ற பிரதேசங்களில் பணியாற்றும் அரச உத்தியோகத்தர்கள் கலந்துகொண்டனர்.

எதிர்வரும் ஐந்து ஆண்டு காலத்துக்கு வேலைத்திட்டங்களை நடைமுறைப்படுத்தும் செயல்முறைமையிலான அட்டவணை வகுக்கப்பட்டு கருத்துக்கள் பரிமாறப்பட்டன.

கிழக்கு மாகாண விவசாய திணைக்களத்தின் உதவிப் பொருளியலாளர் குமுது ரெட்நாயக்க, விவசாய போதனசிரியர்களான ஆர்.ராதிக்கா மற்றும் ரீ.செந்தூரன் ஆகியோர் கலந்து கொண்டு விளக்கமளித்தனர்.