கல்முனையில் நில அதிர்வு

-எஸ்.எல்.அப்துல் அஸீஸ்

அம்பாறை, கல்முனைப் பிரதேசத்தில்  சனிக்கிழமை (10) இரவு 9 மணியளவில் நில  அதிர்வு  உணரப்பட்டதுடன்,  அங்குள்ள வீடொன்றின்    தளத்தில்  வெடிப்பும்  ஏற்பட்டுள்ளது.

கல்முனை நகர் -03ஆம் பிரிவில் யானைக் கோயில்  வீதியில்  விவேகானந்தா தமிழ் வித்தியாலயத்துக்கு முன்பாகவுள்ள  வீட்டிலேயே வெடிப்பு ஏற்பட்டுள்ளது.

இதனால், தரையில்  பதிக்கப்பட்டிருந்த தரை ஓடுகள்  உடைந்துள்ளதுடன், அவ்வீட்டுச் சுற்றுமதிலின்  ஒருபகுதியிலும்  வெடிப்பு  ஏற்பட்டுள்ளது.