களவிஜயம்

எஸ்.எம்.அறூஸ்,வி.சுகிர்தகுமார் 

ஆலையடிவேம்பு தர்மசங்கரி பொது விளையாட்டு மைதான அபிவிருத்தி தொடர்பாக விளையாட்டுத்துறை பிரதி அமைச்சரும்  ஸ்ரீ லங்கா முஸ்லிம் காங்கிரஸ் கட்சியின் பிரதித் தலைவருமான சட்டத்தரணி எச்.எம்.எம்.ஹரீஸ்,  நேற்று வியாழக்கிழமை (12)  களவிஜயத்தை மேற்கொண்டார்.

விளையாட்டு கழகங்கள் மற்றும் பாடசாலை மாணவர்களினால்  பெரிதும் பயன்படுத்தப்படும் தர்மசங்கரி பொது விளையாட்டு மைதானத்தில் பல குறைபாடுகள் காணப்படுகின்றது.

இந்தக்குறைபாடுகளை கண்டறிந்து கொண்ட பிரதி அமைச்சரும் அமைச்சின் அதிகாரிகளும் இம்மைதானத்தை அபிவிருத்தி செய்வதற்கான நடவடிக்கைகளை எடுப்பதாக இங்கு தெரிவித்தனர்.

அம்பாறை மாவட்டத்தில் விளையாட்டுத்துறையின் அபிவிருத்திக்காக தமிழ், முஸ்லிம் பிரதேசங்களின் உள்ள விளையாட்டு மைதானங்களை சர்வதேச தரத்துக்கு கொண்டு வருவதற்கான முயற்சிகளில் பிரதி அமைச்சர் சட்டத்தரணி எச்.எம்.எம்.ஹரீஸ் ஈடுபட்டு வருகின்றமை குறிப்பிடத்தக்கதாகும்.