சின்னப்பாலமுனை வீதியை புனரமைக்குமாறு வேண்டுகோள்

-எம்.எஸ்.எம்.ஹனீபா

அம்பாறை, அட்டாளைச்சேனை பிரதேச செயலாளர் பிரிவுக்குட்பட்ட சின்னப்பாலமுனை கடற்கரை பிரதான வீதி சேதமடைந்து காணப்படுவதினால், போக்குவரத்துச் செய்வதில் சிரமம் காணப்படுவதாக பொதுமக்கள் தெரிவித்தனர்.

எனவே, இந்த வீதியை புனரமைத்துத் தருமாறு  பொதுமக்கள் வேண்டுகோள் விடுத்துள்ளனர்.

ஒலுவில், பாலமுனை, அட்டாளைச்சேனை உள்ளிட்ட கிராம மக்கள், இந்த வீதியை பயன்படுத்தி வருகின்றனர்.

இந்த வீதிப் புனரமைப்பு தொடர்பில் அட்டாளைச்சேனை பிரதேச செயலாளர் ஐ.எம்.ஹனீபாவிடம் நேற்று வியாழக்கிழமை கேட்டபோது, இந்த வீதியை கூடிய விரைவில் புனரமைப்பதற்கான நடவடிக்கை எடுக்கப்பட்டுள்ளது' எனத் தெரிவித்தார்.