சட்டவிரோத மின்சாரம் பெற்ற 10 பேர் கைது

-எஸ்.ஜமால்டீன்

அம்பாறை மாவட்டத்தின் ஆலையடிவேம்பு, திருக்கோவில் ஆகிய பிரதேசங்களில் சட்டவிரோதமாக மின்சாரம் பெற்ற குற்றச்சாட்டின் பேரில் 10 பேரை திங்கட்கிழமை (07) மாலை கைதுசெய்துள்ளதாகப் பொலிஸார் தெரிவித்தனர்.

இலங்கை மின்சாரசபையின் கொழும்புத் தலைமையக அதிகாரிகளும் பொலிஸாரும் இணைந்து மேற்கொண்ட சோதனையின்போது, இவர்கள் தங்களின் வீடுகளுக்கு சட்டவிரோதமாக மின்சாரம் பெற்றமை தெரியவந்தது.

இவர்களில் 07 பேர் மின்வாசிப்பு மானியில் குளறுபடி செய்துள்ளமை தொடர்பிலும் 03 பேர் மின்கம்பிகளில் கொளுவி மின் இணைப்பை பெற்றமை தொடர்பிலும் கண்டறியப்பட்டுள்ளது.  

இவ்வாறு கைதுசெய்யப்பட்டவர்களில் 05 பெண்கள் அடங்குவதாகவும் அவர் கூறினார்.